روس کا آواز کی رفتار سے 27گنا تیزرفتارنیوکلئیر میزائل کا کامیاب تجربہ

مہر خبررساں ایجنسی نے اسپوٹنک کے حوالے سے نقل کیا ہے کہ روس نے ایک ہائپرسانک نیوکلیئر میزائل کا کامیاب تجرہ کیا ہے جو جو آواز کی رفتار سے 27گنا تیزرفتار ہے اور پوری دنیا میں کسی بھی جگہ کو چند منٹوں میں نشانہ بنا سکتا ہے۔ اس میزائل کو ’ایون گارڈ کا نام دیا گیا ہے۔ اس خطرناک میزائل کے متعلق عالمی میڈیا میں کئی ماہ سے خبریں گردش میں تھی اور اب روس نے اس کی باقاعدہ نمائش کر دی ہے اور امریکی انسپکٹرز کو بھی یہ میزائل دکھا دیا ہے۔ یہ میزائل راستے میں یک لخت مڑ جانے کی صلاحیت رکھتا ہے جس کی وجہ سے کسی بھی میزائل ڈیفنس سسٹم کے لیے اسے نشانہ بنانا لگ بھگ ناممکن ہے۔ یہ میزائل آئندہ ماہ روسی فوج کے حوالے کر دیا جائے گا۔